بطل العالم في الخماسي الحديث بعد لقاء محمد صلاح: قدوة ومصدر إلهام للشباب
وجه أحمد الجندي لاعب منتخب مصر للخماسي الحديث، وصاحب فضية أولمبياد طوكيو 2020، رسالة خاصة لمحمد صلاح قائد منتخب مصر ونجم ليفربول الإنجليزي.ونشر أحمد الجندي البطل الأولمبي المصري، على حسابه الشخصي على موقع التواصل الإجتماعي فيس بوك، رسالة لمحمد صلاح وذلك عقب لقائهم الثاني في معسكر منتخب مصر.
وقال الجندي في منشوره الذي وجهه لـ محمد صلاح: " مش مجرد صورة و خلاص، لكن لما كنت بسمع عن تواضعه و احترامه كنت أكيد حابب أشوف ده قدامي و من يومين لما جت فرصة اننا نتقابل في تمرين المنتخب و مضالي على "تي شيرت الجري بتاع طوكيو" لقيته بيطلب اني اجيبله تي شيرت انا اللي ماضي عليه".
وتابع الجندي :"اتقابلنا مرة تانية و حقيقي اتبسطت بالحوار معاه و عن طريقة كلامه و فكره فهو فعلاً يستحق ان يكون قدوة و مصدر إلهام للشباب. المرة ده اتصورنا بالميدالية الأولمبية الفضية لكن أتمنى إن شاء الله المرة اللي جاية تكون بالذهب في أولمبياد باريس".
وأتم أحمد أسامة الجندي منشوره :"و يكفي اننا طلعنا من بلد واحدة و قريتين جنب بعض.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اليوم في 6:31 am
