لو قررت تطلق مراتك بعد 10 سنين جواز

لو قررت تطلق مراتك بعد 10 سنين جواز.. انت مديون لها بحوالي 2 مليون جنيه لو هي ما بتشتغلش وكنتو انتوا الاتنين من الطبقة المتوسطة...
ازاي؟
الحياة الزوجية شراكة.. وزي اي شركة فيها مساهمين وارباح وخساير...
وفي الجواز إما إن الشركة دي ابتدت النص بالنص من الأول.. والزوجة بتشتغل وبتصرف في البيت.. يبقى بعد الطلاق كل الفلوس اللي اتحققت في فترة الشراكة (بتاعتكم انتو الاتنين تتقسم النص بالنص)
أو إن الزوجة مابتشتغلش سواء برغبتها او برغبة من الزوج.. وبالتالي حتكون مساهمتها في شركة الحياة هي مجهودها في رعاية البيت والاسرة وتربية الابناء ومذاكرتهم...
فحصولها على نص الثروة اللي تكونت خلال حياتهم الزوجية مش فضل من الراجل عليها.. لا.. ده حقها.. لأنها وارد لو اشتغلت كانت تحقق اكتر منه.. ولأن الاستثمار في الابناء ده مش ببلاش..
ولو حسبت كده تكاليف انك تجيب حد يراعي ولادك بفلوس..
من اول:-
مرضعة طبيعي: 2000 جنيه في الشهر على الاقل
- دادة: 2000 جنيه كمان
- مكواة وتنضيف وطبيخ: نمشيها 2000 جنيه
- مدرسة خصوصية في كل المواد نمشيها 4000 جنيه لكل الأولاد ️
- سواق للمدرسة او للتمارين او لاي مشاوير عائلية 2000 جنيه اقل حاجة
- ممرضة للعيانين 2000 جنيه شهريا
- دكتور نفساني ومصلح اجتماعي ليك ولولادك 2000 جنيه
- لامؤاخذة زوجة بالليل (التسعيرة دلوقتي عالية خصوصا مع ضمان الخلو من الأمراض بس بنتكلم في المرة على الأقل ب500 جنيه * 4 مرات في الشهر = 2000 جنيه)
- شريكة اجتماعية Partner: في المناسبات العائلية 2000 جنيه..
لو جاب بارتنر تاني واتحمل فستانها وكوافيرها او مصاريف الخروجة (على فرض انها خروجة مرة في الشهر)
والحسبة دي فيها حاجات حتتضاعف لو اكتر من طفل.
اخصم من كل ده اكلها وعلاجها (الدادة اكلها وعلاجها بيكون على الأسرة.. بس حنتجاوز الندقطة دي) يبقى اخصم 2000 جنيه
ومش حنحسب خسارة الفرص الضائعة انها كان ممكن لو اشتغلت تقبض كام.
يبقى ربة المنزل المصرية في الأسرة المتوسطة تستحق أجر شهري 16 ألف جنيه بره مصاريف البيت والولاد والاكل والكلام ده كله..
يعني بسلامته الزوج احتمال هو اللي ياخد جزء من دخلها لو بتشتغل.
اضرب 16000* 12 شهر * متوسط 10 سنين = تقريبا 2 مليون جنيه...
(حنعوض فرق الاسعار بزيادة عدد الأولاد)
ده كده حقها خالص مخلص من غير ما تبقى دافعة النص بالنص في الجواز...
لو هي بقى دافعة النص بالنص يبقى قيمة اسهمها حتزيد والتكلفة عليه حتزيد..
يجي بقى راجل مصري اصيل.. متجوز ببلاش وبيته قائم على مرتب مراته او على جهدها لو مابتشتغلش.. ويقول تاخد فلوس وهي بتتطلق ليه؟ ده شغلي ومهاراتي...
لا ما تتجوزش وماتفتحش بيت من اساسه وخللي فلوسك لروحك

شكرااا لك على الطرح الرائع

شكرا على الاخبار

سَلِمت الأنَامل المُتألِقة لِروعة طَرحها
دَام الحضُور والعطَاء