قصه هاروت وماروت ...

قصه هاروت وماروت ...
اليهود فى عهد النبى كانوا بيحاولوا يكذبوة باى طريقه فلما لقوا ان سيدنا النبى بيحكى عن انبياء ومنهم سليمان استغلوا الفرصه وقالوا نبي! سُليمان نبي! .. سُليمان ده ساحر , كل مُلكه ده كان بالسحر مش بالنبوة .. بالكُفر مش بـ العطايا الربّانية..
الفكرة دي كانت مترسخه عند اليهود لان بالنسبالهم سليمان اكثر الانبياء ملك وقوة فمستحيل يكون الا بالسحر !!
ووقت سيدنا سليمان كان فى حاقدين عليه من الانس والجن فكان اسهل طريقه علشان يحاربوة انهم يقولوا انه ساحر مش نبى ويقولوا ان ملكه دا كله عن طريق الشعوذة
( وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ)
السحر كُفر .. وكلامهم ده مش بس بيخلي سيدنا سُليمان ساحر , إنما كمان بيوصفه بالكُفر! .. فـ بمجرد ما قالوا الكلام ده في عهد سيدنا النبي جالهم الرد الإلاهي بـ تبرئة سيدنا سُليمان .. ( وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ)
الشياطين هنا قد يكون معناها شياطين الجن , وقد يكون المقصود بيها هو شياطين الإنس!
العلماء اللي قالوا إنهم شياطين الإنس إستشهدوا بإن تكملة الآية بتقول " وَلَـكِنَّ الشَّيْاطِينَ كَفَرُواْ" واحنا عارفين إن كل شياطين الجن كُفّار ومفيش عندهم أخيار , فلو كان المقصود إنهم شياطين الجن مكنش هيبقى فيه داعي لإنساب الكُفر ليهم .. هما كده كده كُفار .. [فيه فرق بين الجن وبين الشياطين , الجن زينا بالضبط فيه منهم مؤمن ومنهم كافر , و أي كافر من الجن يُسمى شيطان]
__و تبرئة سيدنا سُليمان ماكنتش في عهد سيدنا النبي بس , بالعكس ربنا حمى نبيه سُليمان من الإفتراءات دي من قبل سيدنا النبي بكتير
الحماية دي كانت عن طريق إنه سُبحانه أرسل مَلَكين .. المَلَكين دول اسمهم هاروت وماروت .. نزلوا في أرض بابل في العراق .. الهدف من إرسالهم كان إنهم يعلّموا الناس السحر عشان الناس لما تتعرف على حقيقة السحر اللي تم إتهام سيدنا سُليمان بيه يدركوا ساعتها إن اللي كان مع سيدنا سُليمان ده ماكنش سحر أبداً إنما كان نبوة..
[ لو نفتكر في قصة سيدنا موسى هنلاقي إن السَحرة اللي قدامه في المنافسة هما أول ناس آمنوا بـ نبوته وأسلموا لـ ربه على الفور.. والسبب؟ .. إنهم سحرة , عارفين السحر كويس .. فـ قدروا يفرّقوا بين السحر والمُعجزة
وهو ده كان المُراد من تعليم الناس السحر.. السحر كان كده كده موجود من قبل إنزال المَلكين بكتير , كان موجود عن طريق الشياطين اللي بيسترقوا السمع من السماوات ويروحوا للدجّالين يقولولهم كلمة واحدة صادقة ومعاها كلام كتير كاذب..
فتعليم الناس السحر مكنش إبتداءاً , إنما كان إتقاءاً .. كان لتعليم العامة اللي بيتضحك عليهم بسبب جهلهم بحقيقة السحر , فلما يعرفوه يقدروا يفرقّوا بينه وبين المعجزات والنبوة ويعرفوا الساحر من النبي فـ يبتعدوا عن الساحر ويصدّقوا النبي ويؤمنوا بنبوته]
تبرئة سيدنا سُليمان كانت الهدف الأول لكن مش الوحيد لإرسال المَلَكين بالسحر..
الهدف التاني كان فتنة الناس .. إبتلاء وإختبار لإيمانهم .. وده اللي كان المَلَكين هاروت وماروت بيحذّروا بيه الناس قبل مايعلموهم السحر
بيقولولهم اللي هتتعلموه ده عِلم عظيم ممكن يفتنكم ويخليكم تعصوا الله بدل ما تؤمنوا بيه , فـ إوعوا تكفروا وتنفذوا الأسحار دي. (وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ) ..
منهم اللي فهم وآمن وإبتعد عن السحر والسحرة .. ومنهم اللي إتفتن وكفر واستعمل السحر ده.
لكن إستعمالهم للسحر مجرد سبب .. سبب قد يشاء الله فيجعله يفعل , وقد لا يشاء الله فيُبطل فعله .. (وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ) ..
وهي دي الفكرة اللي غابت عن أذهان السحرة ..واللي غايبة عن أذهان ناس كتير لحد وقتنا هذا
ولما دور الملكين خلص ربنا رفعهم ليه تانى وبكدا اثبت للناس ان سليمان مش ساحر زى ما اتقال عنه بعد موته من الشيطاطين
_المصادر :
• تفسير الشعراوي
• تفسير الطنطاوي
• تفسير السعدي
• قصص صالح المغامسي
• موقع الملك سعود للمصحف الإلكتروني , تم الإستعانة به لتفسير الايات
_بوست لاستاذة هبه وتمت مراجعته كاملا

شكرًا جزيلًا على الموضوع الرائع والمميز..
واصل تألقك معنا بارك الله فيك، ننتظر منك الكثير
من خلال إبداعاتك المميزة، لك مني أجمل تحية.

شكرآ جزيلا على الموضوع
الرائع و المميز
واصل تالقك معنا فى المنتدى
بارك الله فيك أختى ...
ننتظر منك الكثير من خلال إبداعاتك المميزة
لك منـــــــ إجمل تحية ــــــــــى

شكرا لك على الموضوع
الجميل و المفيد
جزاك الله الف خير
على كل ما تقدمه لهذا المنتدى
ننتظر إبداعاتك
الجميلة بفارغ الصبر

كالعادة إبداع رائع
وطرح يستحق المتابعة
شكراً لك
بإنتظار الجديد القادم
دمت بكل خير

شكرا جزيلا على الموضوع الرائعة