حلت
#يسرا ضيفة على برنامج
#بيت_السعد والذي يقدمه الشقيقان
#عمرو_سعد و
#أحمد_سعد والذي يُعرض على
#MBC1 ، وتحدثت خلاله عن زواجها مرتين وحقيقة رفض حماها المايسترو صالح سليم ورئيس نادي الأهلي السابق لزواجها من ابنه خالد سليم.
حمل يسرا في زواجها الأولوقالت يسرا: أنا اتجوزت مرتين المرة الأولى متوفقتش ومكناش نعرف بعض كفاية ومكانش جوازنا ناجح وهو اتوفى خلاص، ووقتها حملت ولكني فقدت الجنين.
وتابعت : المرة التانية كانت من خالد جوزي وأعرفه من وإحنا 7 سنين، وإحنا صحاب من زمان وهو يعرف عني كل حاجة وأعرف عنه كل حاجة، وقالي لو كنت قابلتك زمان وإحنا صغيرين يمكن مكناش نكمل.
حقيقة رفض صالح سليم لزواجهماوأضافت : طلع عليا إشاعات واتقال إن جوزي خاني مع زميلة واتطلقت، واتقال برضو إن صالح سليم مكانش موافق على جوازنا وده كلام غير صحيح وصالح سليم هو اللي مربيني وكان صاحب خالي، وما أعلناش عن جوازنا بسبب مرضه، لدرجة أنه قبل ما يسافر يتعالج برة مصر، كان عايز يعلن عن جوازنا بنفسه ووقتها شوفنا أنه ملوش لازمة نطمن عليه ده أهم.
واستكملت : الكلمة الوحيدة اللي قالها صالح لـ خالد، هو أن الست دي نجمة لو هتستحمل نجوميتها ومتقرفهاش خدها لو مش هتستحملها سيبها في حالها.
عملت 25 فيلم في 4 سنين ومنزلوشوكشفت يسرا أيضًا عن سر لقب النجمة المعلبة، وقالت : أنا اتحاربت من ناس كتير وكان فيه صراعات غير عادية ومكنتش أقدر أقف قصادهم لأني كنت ضعيفة، لدرجة أني في 4 سنين عملت 25 فيلم وولا واحد منهم نزل.
آخر أفلام يسراوكان فيلم شقو آخر أعمال يسرا، والذي شاركت خلاله بظهور خاص مع عمرو يوسف، وحقق الفيلم نجاحًا كبيرًا في السينمات وقت عرضه ضمن موسم أفلام عيد الفطر الماضي.
شقو شارك في بطولته بجانب عمرو يوسف، محمد ممدوح، دينا الشربيني، أمينة خليل، وليد فواز، محمد جمعة، وعباس أبو الحسن، فيما ظهر أحمد فهمي ضيف شرف بالعمل، والفيلم من تأليف وسام صبري وإخراج كريم السبكي وإنتاج أحمد السبكي.
اليوم في 2:25 pm
