elsayed
.. كبار الشخصيات ..
ــــــــــــــــــــــــــــــ
| تاريــخ التسجيـــــــل : 30/12/2023
|
| مــــعدل النشـــــــاط : 4515
|
 |  موضوع: رحلة البحث عن أول ممثلة مصرية.. الإثنين أبريل 08, 2024 8:11 pm | |
| رحلة البحث عن أول ممثلة مصرية.. أول ما شهدت مصر أماكن التمثيل كان على ايد خليل النقاش.. اللى جه مصر واسس اول فرقة تمثيلية.. بس اول ما كون الفرقة واجه مشكلة كبيرة .. وهى أنه مفيش بنات ولا ستات ينفع يشتركوا فى الفرقة لانها كانت جر$يمة تستحق الق$تل.. ففكر خليل وبقى يشوف مين الرجالة اللى معاه فى الفرقة وعلى قدر من الوسامة.. وبقي يديهم ادوار الستات.. وكان العادي فى الوقت ده انك تسأل مين اللى عمل دور البطلة ؟ فيقولك حسن أو عبد الرحيم..بعد فترة بدأت فرق تانية تتكون وتتنافس مع بعضها البعض.. لحد ما حصل موقف كان نقطة تحول فى مسيرة المسرح المصري..فى مرة واحد من اصحاب الفرق حب يحسم المنافسة مع الفرق التانية لصالحه.. فراح اتفق مع الشيخ سلامة حجازى اللى كان معروف وقتها بانه قاريء يمتاز بحلاوة الصوت وحسن الاداء.. واتفق معاه انه ينضم للفرقة .. وكان انضمام الشيخ سلامة ضر*بة قوية للمنافسين لدرجة ان جماهيرهم بقت تسيبهم وتروح تسمع الشيخ سلامة..بعد الضر*بة دى قرر "القباني" اللى كان عامل فرقة باسمه انه يرد الضر*بة بض*ربة اقوي.. وانه يشرك العنصر النسائي بشحمه ولحمه على المسرح.. وش كده .. وطلع على سوريا ورجع منها معاه بنت اسمها لبيبة مانيللي ..ورغم أن لبيبة مكنتش اصلا ممثلة وكانت بتغنى بس بين الفصول لكنها قدرت بسرعة تتعلم التمثيل وتمثل ادوار البطلات.. لحد ما بقت مشهورة .. وبدأت كل الفرق تفكر هترد ازاى علي الخطوة دي.. خصوصا بعد ما ظهرت بنت سورية تانية على المسارح المصرية اسمها ميليا ديان.. وقدرت فى وقت قصير تتفوق على لبيبة بعد ما قدرت تهضم اللهجة المصرية وبقت بنت بلد مدردحة.. ولما تتكلم معاها تحس أنها مولودة فى بولاق..ومن كتر جمال ميليا عملوا كرودن على اوضتها فى المسرح.. وبقى ممنوع حد يقرب منها.. وفى شباب كتير حاول يقرب منها وفشل ..فراحوا الخلابيص قدموا فى الفرقة على اساس انهم عايزين يمثلوا وكده.. وهما طبعا مكنوش عايزين يمثلوا ولا حاجة وانما كانوا عايزين يقربوا منها .. بس المفاجأة ان فى ناس منهم الموضوع قلب معاهم بجد وكملوا فى التمثيل.. بمرور الوقت بدأت تظهر البنات اليهو$د على المسارح المصرية زي مارى صوفان ونظلة مزراحى والمظ اشتانى ومريم سماط وصالحة قاصين واستر شطاح وكاتينا .. وبعد فترة ظهرت فى حارة النصاري مطربة سورية عرفوها بإسم الست توحيدة جربت حظها فترة فى التمثيل الفكاهي وكانت اول ممثلة تمثل كوميدي.. وبعدين حست أنها لقت نفسها فى الغناء أكتر.. فسابت التمثيل وعملت لنفسها فرقة بإسم "توحيدة" ..وفضل المسرح المصري محروم من الممثلة المصرية الصميمة لحد سنة 1915 .. وقتها اتملت الشوارع باعلانات تبشر بظهور اول ممثلة مصرية بفرقة عزيز عيد على مسرح الشانزليزية فى الفجالة.. ويومها زحفت الجماهير على المسرح واكتشفت ان الممثلة دى تبقى المطربة منيرة المهدية.. بدأ عزيز عيد يدرب الست منيرة على الالقاء والتمثيل علشان تجيد التمثيل أكتر.. لكن فجأة حصل خلاف بين الست منيرة وعم عزيز فسابت الفرقة وراحت عملت فرقة لوحدها وبقت تقدم من خلالها الروايات اللى كان بيقدمها الشيخ سلامة حجازي.. وكانت الست منيرة بتقدم الادوار اللى بيلعبها الشيخ سلامة.. يعنى الاية اتعكست..وبعد ما كان الراجل هو اللى بيعمل دور ست بقت الست هى اللى تعمل دور راجل..طبعا مع النجاح الكبير اللى حققته فرقة منيرة المهدية.. اتشجع عدد من المؤلفين وبقوا يكتبوا لها مسرحيات مخصوص .. وكانت منيرة بتروج للمسرحيات دى تحت شعار أول ممثلة مصرية.. وفضلت محتفظة بهذا اللقب لحد ما ما ظهرت رتيبة وانصاف واختهم الصغيرة فاطمة اللى قدمهم عبدالرحمن رشدي فى فرقته واداهم لقبه .. وبدأت مصر وقتها يبقى عندها أكتر من ممثلة مصرية مش منيرة وبس.. وواحدة واحدة بدأ الموضوع يكبر ويوسع وينتشر لحد ما ظهرت فرقة رمسيس وعرفنا وقتها زينب صدقي وعلوية جميل وفردوس حسن وماري منصور وعزيزة أمير وامينة رزق وغيرها من الفنانات المصريات.. | |
|
دمعه السعودية
.. كبار الشخصيات ..
ــــــــــــــــــــــــــــــ
| تاريــخ التسجيـــــــل : 13/11/2023
|
| مــــعدل النشـــــــاط : 8374
|
| | موضوع: رد: رحلة البحث عن أول ممثلة مصرية.. الثلاثاء أبريل 09, 2024 1:50 am | |
| رحلة البحث عن أول ممثلة مصرية.. شكرا جزيلا على الاخبارــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ أن الله أمركم بأمر بدأ فيه بنفسه، وثنى بملائكته المسبحة بقدسه، وثلث بكم أيها المؤمنون من جنه وأنسه، فقال قولا كريما:
{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً}
[الأحزاب: 56].
اللهم صلِّ وسلم على عبدك ورسولك محمدٍ3 | |
|
elsayad
ضيف شرف
ــــــــــــــــــــــــــــــ
| تاريــخ التسجيـــــــل : 22/02/2024
|
| مــــعدل النشـــــــاط : 3416
|
| | موضوع: رد: رحلة البحث عن أول ممثلة مصرية.. الثلاثاء أبريل 09, 2024 3:47 pm | |
| رحلة البحث عن أول ممثلة مصرية.. 
سلمت كفوفك
لطيب الجهد وَ تمُيز العطاء
لاحرمنا الله روائِع مجهوداتك
لقلبك الفرح و السرور الدائم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ | |
|
اليوم في 6:31 am
