elsayed
.. كبار الشخصيات ..
ــــــــــــــــــــــــــــــ
| تاريــخ التسجيـــــــل : 30/12/2023
|
| مــــعدل النشـــــــاط : 4515
|
 |  موضوع: في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! الثلاثاء مارس 26, 2024 3:50 pm | |
| في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! بعد الصلاة الناس انقسمت كالعادة اليومية لمجموعتين - مجموعة من كبار السن بيقعدوا في أول المسجد يعملوا المقرأة بتاعتهم ، ومجموعة شباب بيقعدوا في آخر المسجد يقرأوا ويحفظوا القرآن ويقولوا الأذكار لحد شروق الشمس ، وبعدين الكل بيقوم يصلي الضحى ويروح بيته ! واحنا قاعدين في هدوء وسكون ما بعد الفجر ، وكل واحد مشغول في حاله ، لقينا باب المسجد بيفتح ، ودخل شاب شايل جزمته في إيديه ، وعينيه حمرا جدا ، وبيتطوّح وهو ماشي ! راح حاطط جزمته في الجزّامة ، واترمى على الأرض بسرعة كدة ونام !! منظر غريب جدا ! ولا صلى ركعتين ولا عمل حاجة ، هو دخل حط الجزمة واتدلق على الأرض على طول !! المهم .. كل واحد كمل اللي كان بيعمله ، لحد ما جه وقت الشروق وصلاة الضحى ، والكل قام يصلي .. وبعدين واحد من عواجيز المسجد راح عشان يقوّم الشاب ده عشان الجامع هايقفل ! شوية كدة ولقيناه جاي بيقول لنا بغضب : حد فيكم يروح يقوّم الزفت ده ويرميه برة الجامع !! انا حاولت أصحيه لقيته سكران وريحة الخمرة فايحة من بقه !!! الشباب قاموا مفزوعين !! والكل واقف متحفز ضد الولد ده !! راح واحد من الشباب قال : سيبوهولي أنا هتصرف !! قالوله هتعمل ايه ؟؟ فقال : يا جماعة أنا كنت زي الشاب ده من كام سنة ! سيبوني أنا هعرف أتعامل معاه !! وبالفعل راح للولد ، قوّمه من النوم ، وقفه على رجليه ، وشال جزمته في إيديه ، وخد الواد من إيده وطلعوا برة المسجد ، وفضلوا يتمشوا مع بعض لحد بعيد !! والناس كلها واقفة متحفزة بتتفرج !! تاني يوم قابلنا صاحبنا ده في المسجد ، قال : ده شاب جميل وابن ناس جدا والله ، كان بيحضر حفلة راس السنة في فندق (كذا) على النيل ، وبعدين حصلت خناقة بين الشباب وهم سكرانين وبيرقصوا ، فـ اتدخل هو فيها واتعور (كان متعور في إيده فعلا) ، وبعدين اتخانق مع صاحبته خناقة كبيرة ، وخرج برة الفندق !! وفضل يتمشى طول كورنيش النيل لحد ما رجليه وصلته للمسجد بتاعنا (مسجد المدينة المنورة في كورنيش المعادي) وحصل اللي حصل !! المهم صاحبنا ده خد الشاب عنده في البيت !! عمل له فطار وشرّبه شاي لحد ما فاق !! وفضل يتكلم معاه عن ربنا ، وعن شرب الخمر ، وعن الغفلة ، وعن بر أبوه وأمه ، والولد كان مستجيب ومتأثر جدا ، خصوصا لما كلمه عن بر أمه !! واتصاحبوا على بعض ، وإداله شرايط كاسيت عن الصلاة وبر الوالدين والتوبة ! وأخدوا أرقام بعض ، وبعدين نزل وصله بعربيته لحد باب بيته !! بعدها فضل صاحبنا ده متواصل مع الشاب ده بالتليفون والرسايل القصيرة لفترة .. وفي مرة اتصل بيه فردت عليه أمه ! فضلت تشكره جامد على الموقف اللي عمله ، وقالتله : "شادي" متأثر ومتغير جدا من ساعة ما قعد معاك ! ربنا يكرمك ويزيدك من نعيمه !!بعدها بفترة كان عيد الأضحى ، اتصل بيه الصبح بدري فردت أمه تاني ، قالتله ربنا يبارك فيك إنك لسة فاكره ، هو نزل يصلي العيد مع ولاد خالته ونسي التليفون في البيت !بس .. بعدها كل واحد فيهم انشغل في دوامة الحياة ، والاتصال انقطع !! بعد الموقف ده بسنة تقريبا ، كان بنصلي العشاء في مسجد المدينة ، وكان فيه عادة جميلة في المسجد ده كل يوم جمعة ، فيه شيخ صوته جميل جدا بييجي يصلي بينا العشاء كل جمعة ، وبعدها فيه درس رقائق جميل وخفيف كدة ، فكان أغلب أهل المعادي بييجوا يصلوا العشاء يوم الجمعة في مسجد المدينة ، وبعدها يقف مجموعة كبيرة من الناس تتكلم وتسلم على بعض برة المسجد !المهم ، واحنا واقفين كلنا مع بعض ، لقينا شاب جميل وشه منوّر ، طالعله كرش صغير كدة ، وطالع له زبيبة صغيرة في راسه ، واقف بيبصلنا ومبتسم ، وراح داخل على صاحبنا وقال له : إزيك يا فلان .. مش فاكرني ؟؟ أنا "شادي" !!سبحان الله !! افتركناه كلنا ، وقعدنا نسلم عليه ونحضنه !! ايه اللي حصل ده ؟؟ قال : الحمد لله ربنا يكرمك ويجعلك سبب ، أنا محافظ على الصلاة من ساعتها ، وفاتح قناة الرسالة عندنا في البيت على طول أنا وماما ! وجيت انهرده مع ولاد خالتي عشان نصلي العشاء و نحضر الدرس !سبحان مغير الأحوال !!أنا اتأثرت جدا بالموقف ده ! مش بس طبعا عشان الطريقة الجميلة اللي صاحبنا اتعامل بيها مع الموقف ، وعرف يلاقي باب للخير جوة الشاب السكران اللي خارج من الحفلة !! لكن أنا أتأثرت أكتر بنظرة ربنا سبحانه وتعالى للعبد !! العبد العبد ، والرب رب !!شوف احنا كنا باصين له ازاي ؟ والناس كانوا متحفزين ضده ، والعواجيز كانوا عاوزين يشيلوه (هيلا هوب) ويرموه برة الجامع !وشوف ربنا سبحانه وتعالى كان ناظر له ازاي ؟ وإزاي رتب له الأمور ودبر له الموقف عشان ينتهي بيه في الآخر للجامع وتبقى بداية جديدة في حياته ! حد يقول إن شاب نازل مع صاحبته عشان يرقصوا ويسكروا ، وينتهي بيه الحال للمسجد والتوبة والصلاة !! افتكرت ساعتها قول السيدة عائشة رضي الله عنها : إذا أذنبت إحداكن ذنبا فلا تخبرن به الناس، ولتستغفر الله ولتتب إليه، ((فإن العباد يُعـيّرون ولا يُغـيّرون، وإن الله يُـغيِّـر ولا يُـعيِّـر)) !! سبحانه وتعالى  ربنا يتوب علينا ويعلمنا !! وربنا يجزيك خير يا صاحبي ، وربنا يهديك ويشرح صدرك يا شادي أينما كنت | |
|
SaMeH-DeS
" إدارة المنتدى "
HOME OF DESIGN
 ــــــــــــــــــــــــــــــ   | تاريــخ التسجيـــــــل : 02/04/2023
|
| مــــعدل النشـــــــاط : 13887
|
| آوسمتي | |
| | موضوع: رد: في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! الثلاثاء مارس 26, 2024 7:17 pm | |
| في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! شكرآ جزيلا على الموضوع
الرائع و المميز
واصل تالقك معنا فى المنتدى
بارك الله فيك أختى ...
ننتظر منك الكثير من خلال إبداعاتك المميزة
لك منـــــــ إجمل تحية ــــــــــى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ | |
|
دمعه السعودية
.. كبار الشخصيات ..
ــــــــــــــــــــــــــــــ
| تاريــخ التسجيـــــــل : 13/11/2023
|
| مــــعدل النشـــــــاط : 8374
|
| | موضوع: رد: في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! الثلاثاء مارس 26, 2024 7:29 pm | |
| في ليلة رأس السنة الميلادية سنة 2006 نزلت أصلي الفجر في مسجد (المدينة المنورة) جمب بيتي في المعادي! جزاك الله خيرا بارك الله فيك ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ أن الله أمركم بأمر بدأ فيه بنفسه، وثنى بملائكته المسبحة بقدسه، وثلث بكم أيها المؤمنون من جنه وأنسه، فقال قولا كريما:
{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً}
[الأحزاب: 56].
اللهم صلِّ وسلم على عبدك ورسولك محمدٍ3 | |
|
سوريا
...::| عضو مميز |::...
| تاريــخ التسجيـــــــل : 02/02/2024
|
| مــــعدل النشـــــــاط : 6246
|
| |
اليوم في 12:03 pm
